ملک بھر میں چہلم شہدائے کربلا عقیدت و احترام سے منایا جارہا ہے
Most Popular (6 hours)

Most Popular (24 hours)

Most Popular (a week)

سچ ٹی وی
8 days ago

ملک بھر میں چہلم شہدائے کربلا عقیدت و احترام سے منایا جارہا ہے

ملک بھر میں آج شہدائے کربلا کا چہلم عقیدت و احترام سے منایا جارہا ہے اور سلسلے میں مختلف شہروں سے جلوس بھی برآمد ہوں گے۔ شہدائے کربلا کے چہلم کے سلسلے میں نکالے جانے والے جلوسوں کی سیکیورٹی کے لئے انتہائی سخت اقدامات کئے گئے ہیں اور مقررہ راستوں کو کنٹینرز اور خاردار تاریں لگا کر بند کیا گیا ہے۔ کراچی اور پشاور میں موٹر سائیکل کی ڈبل سواری پر پابندی ہے جب کہ شہر قائد میں صبح 10 سے رات 10 بجے تک موبائل فون سروس بھی معطل رہے گی۔ کراچی میں شہدائے کربلا کے چہلم کے سلسلے میں مرکزی جلوس نشتر پارک سے برآمد ہوگا جو مقررہ راستوں سے ہوتا ہوا امام بارگاہ حسینیاں ایرانیاں پر اختتام پذیر ہوگا۔ مرکزی جلوس امام بارگاہ کرنل مقبول حسین سےگزرتا ہوا کالج روڈ پہنچے گا اور جلوس رات 10 بجے کے قریب امام بارگاہ قدیمی پہنچ کر اختتام پذیر ہوگا۔ پشاور میں شہدائےکربلا کے چہلم کے سلسلے میں آج 3 جلوس برآمد ہوں گے، پہلا جلوس دوپہر ایک بجے امام بارگاہ اخوندآباد چرچ روڈ سے برآمد ہوگا جب کہ دوسرا جلوس امام بارگاہ کربلا کوچہ رسالدار اور تیسرا جلوس دوپہر 2 بجے مرکزی شیعہ جامع مسجد کوچہ رسالدار سے برآمد ہوگا۔ کوئٹہ میں مرکزی جلوس علمدار روڈ سے برآمد ہوگا جو مختلف راستوں سے ہوتا ہوا مقررہ مقام پر اختتام پذیر ہوگا جب کہ جلوس کے راستوں پر سخت سیکیورٹی انتظامات کیے گئے ہیں۔

Read on the original site